Tilraunasíða Rúnars
Ef einhver er að villast hér inn ennþá þá er rétt að láta vita að undirritaður er farinn að tjá sig á Moggablogginu, slóðin er
http://rungis.blog.isNjótið
Veit ekki hvort einhver sem les þessa síðu sá eitthvað úr opnunarleik HM í handbolta sem fram fer í Þýskalandi nú um stundir, er möguleiki á að einhver viti ekki af mótinu eftir að hafa séð Moggann í dag?
En allavega, ég dó úr hlátri þegar ég sá úr leiknum, þeir félagar Chernega og Poladensko, rússnesku dómararnir voru í hvítum búningum. Já hvítum bol og hvítum stuttbuxum, er hægt að fá hallærislegri dómarabúning? Eitt að fara í hvítan bol, en að hafa hvítar buxur við, ojjjjjjjjjjj.
Annars virðist ómögulegt að fá að sjá leiki Íslands í riðlakeppninni í sjónvarpi hér í Danmörku, ég lifi það svo sem af.
Verð að mæla með
Baggalútsþætti morgunsins á Rás2 í morgun, hreint út sagt magnaður.
Álftagerðisbræður að syngja á opnun Ólympíuleikanna í Aþenu og Geirmundur í deilum við Spice Girls gellurnar.
Athugið að ef þið eruð að skoða þetta eftir 27. janúar 2007 þá getið þið ekki heyrt þetta.
Langi Seli fann skeggjaðan Sjálfstæðismann,
Guðmund Karlsson. Spurning um að finna manninn og taka viðtal við hann.
Mæli með að fólk lesi skrif Langa Sela á heimasíðu
Skallagríms, alltaf gaman að lesa frásagnir mjólkurpósts, það er reyndar hægt að lesa meira um þær á
bloggi kauða.
Annars er
Gylfi Ægisson sextugur í dag og afmælisveisla á
Rás2 kl 15, skora á alla að hlusta. Maðurinn er snilld. Stefán Karl var sem bestur þegar hann hringdi í Sniglabandið á Rás 2 í sumar og þóttist vera Gylfi, óborganlegt.
Mér finnst það alltaf jafn skondið þegar fréttalesarar eru að lesa fréttir um efni sem þeir vita ekkert um.
Nú í morgun var Linda Blöndal að lesa fréttir á
RÚV og þar var meðal annars frétt um Frank Rijkaard og hún las nafn hans (lesist með íslenskum framburði) Frank Ríkard. Seinna í sama fréttatíma var hún að lesa úrslitin úr enska boltanum í gær þar sem áttust við Man City og Middlesborough. Linda sagði "Manchester, nei Man City og Middlesborough áttust við"
Er enginn að finna skeggjaðan sjálfstæðismann, frétti að forseti bæjarstjórnar Garðabæjar hafi verið spurður að þessu í gær og hann gat ekki fundið neinn.
Mogginn var að skrifa í morgun um frammistöðu körfuboltamanna á Íslandi út frá jöfnu sem ættuð er úr
NBA deildinni og á að meta leikmenn út frá tölfræði þeirra.
Þessi tala hefur verið reiknuð í
Leikvarpi KKÍ síðan það fæddist sem ég man nú ekki nákvæmlega hvenær var. En það var
Gunnar Freyr Steinsson sem bjó það til, sem og orðið Leikvarp. Og í greininni í Mogganum í morgun var talað um Leikvarp.
Ég var svo að ræða þetta við Gunna Frey á msn í dag og þá átti hann þetta gullkorn.
"ég horfði á þetta, og hugsaði með mér að svona hefði guðna kolbeinssyni liðið þegar hann sá orðið "stoðsending" fyrst á prenti "
Var að spjalla við pabba um daginn og hann hafði heyrt einhverja umræðu um skeggjaða þingmenn og að það væri mikið algengara að vinstri sinnaðir þingmenn væru skeggjaðir og það finndist varla þingmaður Sjálfstæðismann með skegg.
Ég er búinn að vera að hugsa þetta og jú, Hjálmar Jónsson var með eitthvað skegg. Guðjón Arnar var varaþingmaður þeirra og er með eitthvað smá skegg.
En svo ef maður fer í VG þá er formaðurinn með skegg, Jón Bjarnason, Ögmundur Jónasson og af gömlum Alþýðubandalagsmönnum, t.d. Svavar Gestsson, Hjörleifur Guttormsson og ég gæti haldið áfram.
Ef einhver getur nefnt Sjálfstæðismenn sem hafa setið á þingi og eru skeggjaðir þá eru þeir beðnir að setja það í comment.