Nú prófa ég og sé hvað gerist.
Veit ekki hvort það hefur verði fjallað um nýjasta hneykslið í DK á Íslandi.
Einhver þingmaður frá Venstre (sem er notabene hægri flokkur) var
fangelsaður í gær vegna ásakana um að hafa verið að gera sér dælt við unga krakka og klæmst við þau í gegnum netið.
Þetta er víst þriðji Venstre þingmaðurinn sem lendir í veseni á þessum þremur árum sem Anders Fogh Rasmussen a.ka James Bond, hefur verið forsætisráðherra.
Aldrei heyrir maður um svona skandala heima!
Annars finnst mér
Anders Fogh svalur gaur (eins og Daníel segir), ekki þessi ímynd sem maður hefur af forsætisráðherra. Ímynd mín er einhvern veginn á þá leið að forsætisráðherra er frekar stífur maður, oft pínu þéttur, allavega ekki í besta formi í heima og grínast ekki mikið.
Anders Fogh finnst mér aftur á móti reffilegur karl, virðist vera í fínu formi og talar þannig að maður nennir að hlusta á hann, líka auðvelt að skilja dönskuna hans. Hann var einn fyrsti Daninn sem ég skildi í sjónvarpi.
Það var líka í fjölmiðlum í gær að nokkrir snillingar hér í Århus hafa fengið magnaða hugmynd. Þeir ætla að bjóða
Barcelona að koma með fótboltaliðið, handboltaliðið og körfuboltaliðið til Århus og keppa við AGF, Århus GF og Bakken Bears. Þetta er bara frábær
hugmynd. Líka athyglisvert að það eru Íslendingar í AGF og Århus GF, verð ég ekki bara að dæma körfuboltaleikinn til að hafa Íslendinga í öllum greinunum?
Annars var AC Milan - Barcelona í sjónvarpinu í gær, djöfull eru
varabúningar Barcelona ljótir, þeir toppa alla fáránlega búninga sem maður sá á Laugamótum í gamla daga.
Ørnen, samnorræn sakamálasería byrjaði fyrir ca 10 dögum, búnir tveir þættir. Þetta lítur alveg ljómandi vel út, söguþráðurinn mjög eðlilegur að mínu mati, ekki eitthvað yfirdrifið bull eins og stundum. Svo er ekkert verra að sjá íslenskt landslag og heyra íslensku þó íslenskan hjá danska leikaranum sé nú ekki sú besta í heimi, auðveldara að lesa bara textann á dönsku!
Mér skilst að RÚV muni hefja sýningar eftir jól á þessu og ég skora á fólk að fylgjast með frá upphafi, það er slæmt að missa af upphafinu.
Andinn er ekki enn kominn almennilega yfir mig til að ég treysti mér til að verða bloggari.
Spurning hvort maður eigi að gerast alvöru bloggari og tjá heiminum hugsanir sínar. Hneykslast á hinu og þessu og rífa kjaft, maður er víst orðinn frægur fyrir það.