Tilraunasíða Rúnars
Kíkið á
þessa stórfallegu mynd.
Ég hlít að vera að fara yfir um, er farinn að fylgjast grannt með EM kvenna í handbolta og fagna þegar "mínar" konur standa sig vel.
Það er auðvelt að hrífast með liði sem geislar af leikgleði og gengur vel, auk þess sem erfitt er að láta þetta mót framhjá sér fara hérna í Danmörku. Danir eru hin þjóðin í heiminum sem sýnir meira frá kvennahandbolta en karla, Norðmenn eru með sama sjúkdóminn.
Það er líka merkilegt með danska landsliðið að allir leikmenn liðsins leika í dönsku deildinni sem er jú gríðarlega sterk. Ef mig misminnir ekki þá voru dönsk lið í úrslitum allra Evrópumóta félagsliða kvenna í fyrra. Slagelse vann einmitt Meistaradeildina. Það er því jafnframt gaman að því að íslenskar handknattleikskonur leiki í þessari deild, en í ár eru a.m.k. tvær. Systurnar Hrafnhildur og Drífa Skúladætur leika með Árósaliðinu SK Arhus sem er reyndar í strögli í neðri hluta deildarinnar.
Þrettándi var Kertasníkir,
- þá var tíðin köld,
ef ekki kom hann síðastur
á aðfangadagskvöld
Ég lærði þessar vísur Jóhannesar úr Kötlum þegar ég var ungur og hef svo sem aldrei spáð þannig í þær. En nú er maður orðinn uppalandi og dóttirin farin að setja skóinn í gluggann. Ég fór því að telja út hvenær Stekkjarstaur kæmi því ekki mundi ég það. Kíkti í þessar vísur og las um Kertasníki og taldi til baka. Kertasníkir hefði átt að koma í gærkvöldi. En samt setja allir skóinn í gluggann kvöldið áður. Ég ákvað að vera eins og hinir, annars þarf maður að vakna eldsnemma á Jóladag. En eftir sem áður er ósamræmi í þessu öllu.
Síðasta föstudag vakti mynd á baksíðu Urban athygli mína, mér fannst þessi mynd óttarlega íslensk. Myndin var var hálfgerðum kofa sem í var sjoppa og vidóleiga greinilega. Ég las myndtextann og þar stóð: "Því miður fannst ekki mynd af ástarleikjum humars, en þessi mynd af videóleigu á Íslandi er álíka áhugaverð." Ég hélt ég dræpist úr hlátri. Fann svo út að þessi videóleiga er í Grindavík og heitir Myndsel.
Þegar Danir ferðast til Evrópu í hópum, t.d. í skíðaferðir þá er venjan að keyra í rútu. Oft eru þetta langar ferðir og þá er keyrt í einni bunu kannski 24 tíma og fólk sefur bara í rútunum. Svefnrútur, þar sem hægt er að leggja sætin niður og sofa.
Skari svali kannast vel við þetta enda farið einhverjar ferðir svona. Slys í svona ferðum er algeng og margir dáið í slíkum slysum eftir að ég flutti til DK. Oftast verða slysin á hraðbrautum í Þýskalandi enda mikill hraði á bílum þar og það fer ekki vel saman við hálku. Einnig er þetta þannig að það eru tveir bílstjórar sem skiptast á að keyra og hinn á að sofa á meðan, en eitthvað virðist vanta upp á að menn leggi sig.
Nú er svo komið að Þjóðverjar hafa sett lög sem banna svefnrútur, þ.e.a.s. ef öryggisbeltin virka ekki bæði þegar fólk liggur og situr. En þeir leyfa rútur sem eru ekki með beltum!!!!
Magnaðir þessir Þjóðverjar.
Ég var annars að dæma minn annan leik í dönsku úrvalsdeildinni í gær. Minn annar leikur á heimavelli Randers. Í fyrsta leiknum vakti einn kani heimamanna athygli mína og fannst mér hann minna mig á einhvern, datt helst í hug einhver leikmaður
Harlem Globtrotters. En í gær fattaði ég það, hann er fyrirmynd
Shrek, þéttur, hokinn og með svakalega hnakkaspik.