Ætti maður að skrifa eitthvað hér?

Já maður verður að vera eins og allir hinir Íslendingarnir í Danmörku, skrifa um útkomu Nyhedsavisen í morgun.

Ég bý reyndar ekki nógu nálægt miðbæ til að fá blaðið í póstkassann, en komst yfir það í vinnunni og verð að segja að þetta lítur ágætlega út. Vakti athygli mína að aðeins 2 auglýsingar tilheyra "íslenskum" fyrirtækjum, Sterling og B&O.

Ég fór líka og kíkti á heimasíðu þeirra, þar er hægt að skoða blaðið ef menn vilja og einnig blogg hjá allmörgum blaðamönnum blaðsins.

Það skal reyndar tekið fram að ég fæ ekki hin fríblöðin í póstkassann, nema jú 24timer kemur einu sinni í viku. Ég kann ágætlega við það blað, mikil rannsóknarblaðamennska en ég hef mjög gaman af slíkri blaðamennsku. Hana sárvantar á Íslandi.

Heyrði svo viðtal við Gunnar Smára á Rás2 rétt í þessu vegna frétta um að danskur hagfræðingur hafi sagt að þetta dæmi geti ekki gengið upp fjárhagslega. Verð að segja að mér finnst að æðsti maður fjölmiðils verði að kunna að bera fram nafn síns fjölmiðils síns. Hann sagði hvað eftir annað í viðtalinu, Níheddsavísen, en á dönsku er nafnið Nyhedsavisen borið fram Nuheðsavísen. Þetta er svipað og ef það væru danskir eigendur að DV sem myndu kalla blaðið deví

Annars góður  ¶ 10:04